Sërish arrestohet kryetari Visar Ymeri

Lëvizja Vetëvendosje ka njoftuar se Policia e Kosovës ka arrestuar sërish kryetarin e kësaj partie, Visar Ymeri. Arrestimi i Ymerit ka ndodhur rreth orës 10:00.

Në reagimin e VV-së thuhet se Proceset e montuara gjyqësore ndaj Lëvizjes Vetëvendosje! nuk po ndalen dhe janë intensifikuar kohëve të fundit.

“Arrestimi i vazhdueshëm i kryetarit të subjektit më të madh opozitar, konfirmon raportet ndërkombëtare që Kosovën e kanë shpallur vend me sistem gjysmë të konsoliduar autoritar.
Prej se e kemi në pushtet këtë koalicion, dhuna dhe përndjekjet politike janë bërë metodë qeverisëse në Kosovë.

Lëvizja VETËVENDOSJE! kërkon urgjentisht ndërprerjen e përndjekjeve politike dhe do të angazhohet me tërë qenien e saj që ta largojë këtë regjim autoritar”, thuhet në reagimin e VV-së.