Serbia përzihet edhe në zgjedhjet parlamentare
Ngjashëm me zgjedhjet lokale edhe zgjedhjet parlamentare pritet të mos kalojnë pa interferimin e Beogradit përmes vendosjes së disa kushteve që ndërlidhen me pjesëmarrjen e serbëve në zgjedhje.
Një kundërshtim fillestar i Beogradit rreth pjesëmarrjes së serbëve në zgjedhje, ndërlidhet me Ligjin e ri për zgjedhjet parlamentare i cili ka paraparë disa përkufizime të reja në lidhje me votimin jashtë Kosovës.
Mirëpo, Ligji i ri i sapopërgatitur dhe miratuar në parim në Kuvend, tashmë po shihet i pazbatueshëm në rast se zgjedhjet shpallen për muajin qershor. Ky ligj, nuk i ka kaluar ende procedurat finale të miratimit dhe hyrjes në fuqi, kurse flitet për një proces zgjedhor që mund të organizohet në fund të majit apo nga mesi i qershorit., shkruan Tribuna
Por, as ligji i vjetër, sipas bindjeve të Beogradit, të cilat po shprehen nga zyrtarët e qeverisë së atjeshme, nuk do të jetë i mjaftueshëm që autoritetet e serbe t’u bëjnë thirrje subjekteve politike dhe komunitetit serb në Kosovë që të marrin pjesë në zgjedhje.