Serbët shkelin marrëveshjen për ndërtimet te Kroi i Vitakut

Pavarësisht marrëveshjes së arritur mes kryetarit të Mitrovicës Jugore, Agim Bahtiri dhe asaj veriore, Goran Rakiq, që në lagjen Kroi i Vitakut të ndërpriten punimet nga të dyja palët deri më 20 maj, një gjë e tillë nuk po respektohet nga banorët serbë.

Ata kanë shfrytëzuar këtë vakum duke vazhduar punimet në ndërtimin e objekteve. Kjo situatë po i shqetëson banorët shqiptarë të kësaj lagjeje, sipas të cilëve nëse deri më 20 maj nuk arrihet ndonjë marrëveshje për rifillim e ndërtimit të shtëpive, atëherë situatën do ta marrin në duar të veta, transmeton RTKlive.

Përfaqësues të Lagjes “Kroi i Vitakut”, thonë se serbët e përdorin dialogun si pretekst për mos ndërprerjen e punimeve dhe realizimin e skenarëve të tyre.

Për më tepër:
http://www.rtklive.com/?id=2&r=30993