Semimaturantët e Gjilanit rikonfirmunsuksesin e lartë në testin e arritshmërisë

/2L ONLINE/ – –Përsëritja e testit të arritshmërisë për nxënësit e klasave të nënta në Komunën e Gjilanit, vërtetoi edhe njëherë jo vetëm rezultatet e larta të nxënësve tanë,po edhe korrektësinë e gjithë procesit të testimit, organizimin e mirë teknik dhe rezultatet e punës së mësimdhënësve në procesin edukativo-arsimor në ngritjen e cilesisë në arsim.

Kështu ka thënë drejtori I Drejtorisë Komunale të Arsimit, Nazmi Musa, me rastin e pranimit të rezultateve nga ana e Ministrisë së Arsimit.

Testit të arritshmërisë iu shtruan 1887 nxënës , në 7 qendra tëstimit,nën percjelljen e rreptë të 190 administruesëve,7 komisionerëve të DKA-së dhe 21 të MASHT-it.

“Rezultati i arritshmërisë është 76.01 % që, krahasuar me testin e parë të mbajtur më 21.05.2016, është për 2.52 më i ulët. Sipas analizës së rezultateve që kanë bërë zyrtarët e arsimit në DKA,konstatojmë se suksesi i këtij viti mësimor është më i lartë për 1.62 % se në vitin e kaluar. Drejtoria Komunale e Arsimit falënderon Ministrinë e Arsimit Shkëncës dhe Teknologjisë për një vlerësim korrekt dhe publikimin më kohë të rezultateve të nxënësve”, ka thënë Musa.

Drejtoria e Arsimit në Gjilan,të gjithë nxënësve që perfunduan arsimin e mesëm të ulët ju uron sukses dhe i mirëpret me dyer të hapura regjistrimin e tyre në Shkollat e Arsimit të Mesëm të Lartë, që nga data 14,15,16 qershor 2016,koha kur bëhet regjistrimi i tyre. /2L ONLINE/