Petrit Selimi ka deklaruar se rrëzimi i marrëveshjeve është thikë prapa shpinës për aleatët e Kosovës, dhe një veprim i tillë nuk përkrahet nga qytetarët e Kosovës. Zëvendësministri i Punëve të Jashtme, Petrit Selimi, duke folur për protestën e 9 janarit të thirrur nga opozita, ka thënë se dhuna e partive opozitare ka shkaktuar probleme dhe ka dëmtuar Kosovën dhe imazhin tonë si shtet.
Ai ka thënë se rrëzimi i marrëveshjeve, që përkrahen me gojë dhe zemër nga Amerika dhe partnerët kryesor europianë, është edhe rrëzim i Republikës. ‘Thika prapa shpinës aleatëve tanë nuk përkrahet nga populli i Kosovës’, ka thënë Selimi për “Epokën e Re”.