Selimi: Nëse marrim ftesë do të takohemi me policinë

Zyrtarë të policisë së Kosovës, kanë thënë se kanë kërkuar takim me Lëvizjen Vetëvendosje, para protestës së të mërkurës, me qëllim që protesta të kalojë e qetë.

Deputeti i Vetëvendosjes, Rexhep Selimi, ka thënë se në momentin që do të pranojnë ftesë zyrtare nga ana e Policisë, atëherë do të zhvillohet edhe takimi.

“Deri më tash nuk kemi pas asnjë thirrje zyrtare. Ne do të përgjigjemi në momentin që do të kemi një ftesë nga ana e tyre, porse deri më tash s’ka asgjë. Ne nuk kemi pasur asnjëherë asnjë thirrje nga ana e tyre”, ka thënë Selimi për Indeksonline.