Selimi-bashkëluftëtarëve: Thuani jo gjykatës

Deputeti i VV dhe ish eprori i UÇK-së Rexhep Selimi ka thënë se janë gënjeshtra se OKB mund të formojë Gjykatën Speciale. Sipas tij nëse në OKB ka armiq të pavarësisë njëjtë ka edhe në Kuvend ka kundërshtarë të pavarësisë së Kosovës e që sipas Selimit janë dhjetë deputetët e Srpskas.

Selimi tha se lufta e drejtë e UÇK-së nuk ka njolla. “Ajo është e pastër këtë e kanë vërtetuar gjykatat si jashtë po ashtu edhe brenda”, tha Selimi.

Sipas tij ai nuk i kupton disa nga kolegët e tij që të njëjtit janë kundër raportit të Martyt dhe të njëjtit janë për gjykatën që ndërtohet në bazë të raportit të Martyt.

Selimi ka thënë se nëse kolegët nga LDK-ja mendojnë se duke votuar Gjykatën mund ta largojnë Thaçin nga politika e kanë gabim.

Selimi tha se luftëtarët e UÇK-së nuk kanë frikë për veti por për qytetarët e Kosovës dhe këtë duhet ta bëjnë duke refuzuar këtë padrejtësi.

http://botasot.info/kosova/386488/haradinaj-kuci-ishte-pjese-e-dallavereve-per-gjykaten-speciale-kuci-edhe-haradinaj-ishte-pjese-e-ketij-procesi-foto/