Sekretari i Përgjithshëm i NATO –s viziton Kosovën

Kosovën, gjatë ditës së sotme do ta vizitoj sekretari i Përgjithshëm i NATO-s Jens Stoltenberg.Gjatë ditës, Stoltenberg do të takohet me Presidenten e Republikës së Kosovës Atifete Jahjaga.

Takimi me Jahjagën do të zhvillohet në kabinetin e Presidentes në orën 11:15. Stoltenberg, do të takohet po ashtu edhe me zëvendëskryeministrin dhe ministrin e Punëve të Jashtëm i Republikës së Kosovës, Hashim Thaçi. Takimi me Thaçin, do të zhvillohet në ndërtesën kryesore të Qeverisë së Kosovës në orën 13:30.

Gjatë vizitës së tij, Stoltenberg do të takohet me komandantin e KFOR-it, Gjeneral Major Francesco Paolo Figliuolo. Ai do të takohet edhe me trupat e KFOR-it dhe përfaqësuesit kryesorë të bashkësisë ndërkombëtare në Kosovë. Sekretari i Përgjithshëm pritet të ketë takim edhe me Kryeministrin e Kosovës, Isa Mustafa.