Seancë e jashtëzakonshme për projekte të rëndësishme

(2L ONLINE) – Mbahet seanca e jashtëzakonshme e Kuvendit Komunal të Kamenicës të cilën e udhëhoqi kryesuesi Bajram Dërmaku.e ku u shqyrtua pika e vetme e rendit të ditës, propozim-projekti Sh.06 Nr. 4411 dt:10.02.2015, për investime kapitale, të cilat realizohen në bashkëpunim me IPA -në , dhe MAPL-në.

Në kuadër të këtij bashkëpunimi,komuna i ka propozuar këto tri projekt- propozime, siç janë:
a) Asfaltimi i rrugëve lokale në Kopërnicë ( pjesa e dytë)
b) Punimi i parkut prapa banesave në Kamenicë
c) Rregullimi i shtratit të përroit të Rubocit në Kamenicë

Kryetari i Komunës Begzad Sinani foli për rëndësinë e këtyre projekteve, dhe dha arsyetimin të cilat janë të interesit të përgjithshëm, dhe ndikojnë në përmirsimin e infrastrukturës së komunës.

Ndërkaq,sipas drejtorit të urbanizmit Ilir Kastrati, këto projekt propozime janë plotësisht në harmoni me planin zhvillimor urbanistik.

Disa këshilltarë komunal, patën vërejtje për mos sigurimin e materialit plotësues për këto propozim -projekte. Megjithatë, njëzërit i aprovuan këto propozim projekte, të cilat do t’i dërgohen MAPL-së. /2L ONLINE/