Së shpejti Qendra Mjekësore Familjare në Roganë fillon punën 24 orë

Së shpejti Qendra Mjekësore Familjare në Roganë fillon punën 24 orë

Qendra Mjekësore Familjare në Roganë të Kamenicës, së shpejti do të filloj kryerjen e shërbimeve 24 orë për banorët e kësaj ane.

Kryetari i komunës së Kamenicës, Qëndron Kastrati tha se tani jemi në fazën e fundit të përgatitjeve për fillimin e punës së QMF-së në Roganë, sepse pandemia e ka ngadalësuar këtë proces.

“Qendra e Mjekësisë Familjare në Roganë shumë shpejt do të filloj kryerjen e shërbimeve 24 orë për banorët e kësaj ane. Meqenëse situata me pandeminë na e ka ngadalësuar procesin, tani jemi në fazën e fundit të përgatitjeve! Ecim tutje me shumë punë e angazhim”, tha Kastrati.

Drejtoresha e Shëndetësisë dhe Mirëqenies Sociale, Suna Zajmi-Krasniqi, u shpreh se është e lumtur që çdo ditë e më shumë po plotësohen nevojat e qytetarëve.

“Jemi të lumtur që çdo ditë e më shumë po angazhohemi që t’i plotësojmë nevojat e qytetarëve tanë. Ofrimi i këtij shërbimi përgjatë 24 orëve, do të lehtësoj padyshim edhe mirëqenien banorëve të kësaj ane”, u shpreh Zajmi-Krasniqi.

Po ashtu edhe u.d drejtori i Qendrës së Mjekësisë Kryesore Familjare, Besim Beqiraj, tha se ndihet i kënaqur që kërkesat dhe nevojat e qytetarëve po realizohen. /2LONLINE.com/

KOMENTE