SC Gjilani zyrtarizon futbollistin Arbër Potoku

Sport Club Gjilani ka njoftuar për arritjen e marrëveshjes me futbollistin Arbër Potoku, i cili nga sot është zyrtarisht pjesë e familjes kuqe e bardh.

Mbrojtësi me përvojë ka nënshkruar kontratë me klubin deri në verën e vitit 2028, duke u bërë një prej përforcimeve të rëndësishme për objektivat e skuadrës në sezonet e ardhshme.

Në njoftim thuhet se Potoku sjell me vete eksperiencë, karakter fitues dhe cilësi të dëshmuara në repartin defensiv, vlera që do t’i shërbejnë ekipit në rrugëtimin drejt synimeve tona.

SC Gjilani i uron Arbër Potokut mirëseardhje dhe shumë suksese me fanellën kuqe e bardh. “Jemi të bindur se, me përkushtimin dhe profesionalizmin e tij, do të japë një kontribut të rëndësishëm për Sport Club Gjilani”, thuhet në fund të njoftimit të skuadrës “kuq e bardh”. /2LONLINE/