SC Gjilani shpreh mirënjohje për punën 30-vjeçare të Abdulla Sylës

Janë tri dekada me klubin, Gjilani falënderon Abdulla Sylën.

Në shenjë vlerësimi dhe falënderimi për kontributin e çmuar 30-vjeçar në zhvillimin dhe afirmimin e klubit, Gjilani ka nderuar Abdullah Sylën, në fillim të këtij edicioni, përkatësisht para ndeshjes që u luajt këtë të hëne në mes të Gjilanit e Ballkanit.

“Me përkushtimin dhe dashurinë e tij të palëkundur për sportin, ai ka lënë gjurmë të pashlyeshme në historinë dhe sukseset e klubit tonë”, thuhet në njoftimin e skuadrës kuq e bardh.

Në nderim të këtij rrugëtimi të paharruar, Sport Club Gjilani shpreh mirënjohjen dhe respektin më të lartë.  /2LONLINE/