SC Gjilani reagon pas dënimit të FFK-së, vendos t’i luaj ndeshjet si vendas në këtë stadium!

SC Gjilani ka vendosur ta zhvilloj duelin ndaj Trepçës ‘89 në Drenas, në stadiumin e Feronikelit, “Rexhep Rexhepi.

Këtë iniciativë klubi gjilanas e mori pas dënimit nga Komisioni Disiplinor i FFK-së me dy ndeshje lojë jashtë stadiumit të qytetit në Gjilan.

Gjilanit i është aprovuar kërkesa nga klubi Feronikeli dhe kjo ndoshta do të ishte mundësi edhe për tifozët gjilanas që të jenë në mbështetje të klubit, qoftë edhe individualisht.

Këtë e ka bërë të ditur vet klubi nëpërmjet një njoftimi për media.

NJOFTIM:

Sport Club “Gjilani”, ju njofton se ditën e djeshme ka pranuar dënimin e vendosur nga Komisioni Disiplinor, i Federatës së Futbollit Kosovës, që dy ndeshjet e radhës të parapara të zhvillohen në Gjilan, ku skuadra jonë detyrohet që këto dy ndeshje ti zhvilloj jashtë stadiumit “Agim Ramadani-Katana”, të Gjilanit dhe pa praninë e tifozëve.

Bëjmë të ditur se ndeshja kundër Trepçës 89′, do të zhvillohet në stadiumin “Rexhep Rexhepi”, në Drenas, ku pas kërkesës sonë kemi hasur në përgjigje pozitive nga, Klubi i Futbollit “Feronikeli”, që ndeshjën kundër ekipit mitrovicas ta zhvillojmë në stadiumin e tyre, të cilët i falemnderojmë për bashkëpunimin dhe mundësinë e ofruar nga ta.

Ndeshja mes Gjilanit dhe Trepçës 89′, zhvillohet ditën e nesërme( e diele), me fillim nga ora 14:00, e vlefshme për javën e 12-të kampionale, në Ipko Superligë.

SC Gjilani

Gjilan, 26 Tetor