SC Gjilani përmbylli përgatitjet për duelin ndaj Suharekës, gati për këtë sfidë

SC Gjilani ka mbyllur edhe seancën e fundit stërvitore në prag të duelit kampional ndaj Suharekës, takim i vlefshëm për xhiron e 22-të në Albi Mall Superligën e Kosovës në futboll.

Gjithë grupi ka qenë në dispozicion të stafit teknik përveç Robert Rrahmanit, i cili po vazhdon me procesin e rikuperimit dhe sulmuesit Almir Aganspahic, i cili ka ndjerë një shqetësim muskular pas sfidës së javës së kaluar ndaj Dukagjinit. Pozitiv është rikthimi i Endri Reçit, i cili kishte kohë që po qëndronte në infermieri.

“Gjatë javës ekipi ka shfaqur pozitivitet dhe gatishmëri për përballjen ndaj Suharekës, e cila është e treta për këtë edicion garash”, thuhet n njoftimin e skuadrës kuqebardhë.

Dueli ndërmjet Suharekës dhe Gjilanit zhvillohet të shtunën, ora 14:00.  /2LONLINE/