SC Gjilani përfundon bashkëpunimin edhe me futbollistin Ennur Totre

“Me marrëveshje të dyanshme është ndërprerë bashkëpunimi me futbollistin Ennur Totre, i cili u paraqit në 23 ndeshje kampionale dhe një të kupës me fanellën kuq e bardh”, njofton SC Gjilani.

Klubi e ka falënderuar futbollistin për kontributin e dhënë gjatë kohës së kaluar në klub, duke i uruar shëndet dhe suksese në vazhdimin e karrierës së tij sportive.

“Klubi dëshiron ta falënderojë Ennurin për përkushtimin, profesionalizmin dhe kontributin e dhënë gjatë periudhës sa ishte pjesë e familjes së Gjilanit. Angazhimi dhe korrektësia e tij kanë qenë të vlerësuara nga bashkëlojtarët, stafi dhe tifozët tanë”, thuhet tutje në njoftim.

SC Gjilani i ka uruar futbollistit Ennur Totre shumë suksese në vazhdim të karrierës së tij, shëndet dhe arritje në çdo hap të rrugëtimit të tij profesional.  /2LONLINE/