SC Gjilani njofton për gjendjen shëndetësore të futbollistit Sabit Bilali

Sport Club Gjilani njofton për gjendjen shëndetësore të futbollistit Sabit Bilali, i cili ka përfunduar edhe ekzaminimet e fundit mjekësore.

Bilali në ndeshjen e fundit kampionale ndaj FC Ballkani ka marrë një goditje dhe për pasojë ka pësuar traumë dhe ndrydhje në nofullën e djathtë dhe është detyruar ta braktisë fushën e lojës, me ç’rast është dashur të intervenohet në Spitalin Rajonal të Prizrenit.

Gjendja e Bilalit është stabile dhe futbollisti pritet të jetë i gatshëm në seancën e radhës stërvitore, thuhet në njoftimin zyrtar të SC Gjilanit.   /2LONLINE/