SC Gjilani mposhtet në ndeshjen miqësore në Turqi

SC Gjilani mposhtet në ndeshjen miqësore në Turqi

SC Gjilani po qëndron për fazën përgatitore në Antalia të Turqisë, ndërsa gjatë ditës së sotme Gjilani ka zhvilluar ndeshje kontrolluese, të cilën e humbi me rezultat minimal 1:0, transmeton 2LONLINE.com.

Ishin boshnjakët e skuadrës NK Çelik nga Zenica që triumfuan minimalisht (1-0) përballë ‘kuqebardhëve’ në duelin e zhvilluar në “Kremlin Football Center” në Antalia.

Golin e vetëm në këtë përballje e realizoi futbollisti Zuna në minutën e 12-të të ndeshjes.

Ky është postimi i plotë:

“Gjilani ka pësuar humbje në takimin e sotëm kontrollues kundër skuadrës boshnjake, NK Çelik Zenica me rezultat minimal 1:0.

Golin e vetëm në ndeshjen e sotme e realizoi futbollisti i NK Celik Zenica, Zuna, i cili në minutën e 12′ në pjesën e parë, i dha fitore skuadrës boshnjake në këtë takim miqësor, të zhvilluar në Antalia të Turqisë.

Ndeshja e sotme do të jetë ndeshja e fundit kontrolluese në Antalia, pasi skuadra e Gjilanit ditën e nesërme rikthehet në Gjilan, vend ku do ti vazhdoj stërvitjet para fillimit të garave në pjesën pranverore të edicionit 2019/2020.

Kryetrajneri i Gjilanit, Gentjan Mezani, në takimin e sotëm startoi me këta futbollistë:

Haxhihamza,Kastrati(c),Veliu,Frashëri,

Ferreira,Shabani,Useini,Jonuzi,Progni,

Nikac,Busic.”

KOMENTE