SC Gjilani i ofron kontratë profesionale futbollistit Elton Isufi

Sport Club Gjilani njofton se futbollisti i dalë nga akademia e klubit, Elton Isufi, ka nënshkruar kontratë profesionale trevjeçare me klubin.

“19-vjeçari, i cili aktivizohet në pozitën e sulmuesit të qendrës, prej kohësh është promovuar në ekipin e parë, ku me paraqitjet dhe përkushtimin e tij ka fituar besimin e stafit teknik dhe drejtuesve të klubit”, thuhet në njoftimin e skuadrës “kuq e bardh”.

Në njoftim thuhet tutje se Isufi ka qenë një nga lojtarët që ka spikatur gjatë fazës përgatitore të verës, duke realizuar tre gola me ekipin e parë.

“Klubi beson se Eltoni do të vazhdojë të zhvillohet dhe të jetë një vlerë e rëndësishme për të ardhmen e SC Gjilanit”, thuhet në fund të njoftimit.  /2LONLINE/