SC Gjilani i ka mbyllur përgatitjet për duelin e radhës kampional ndaj FC Ferizajt

Skuadra e SC Gjilanit i ka mbyllur përgatitjet për duelin e radhës kampional ndaj FC Ferizajt, që njëherësh do të jetë i fundit për pjesën e parë të kampionatit në Albi Mall Superligë.

“Duke lënë prapa fitoren në vikendin që lëmë pas ndaj rivalit lokal Drita, ekipi është përqendruar maksimalisht në udhëtimin e vështirë që pritet ta ketë ndaj Ferizajt. Fokusi ka qenë prezent vetëm në duelin ndaj e radhës kampional, derisa grupi ka stërvitur në gjithë paraditen e javës”, thuhet në njoftimin e klubit kuq e bardh.

Pavarësisht mungesave që priten të jenë për shkak të suspendimeve me karton dhe për shkak të gjendjes gripoze të disa futbollistëve, pjesa tjetër e skuadrës është e gatshme dhe e vetëdijshme për rëndësinë e pikëve nga kjo përballje.

Në mëngjesin e së premtes skuadra ka zhvilluar edhe provën e fundit gjenerale dhe është gati për ballafaqimin ndaj Ferizajt, i fundit për stinorin vjeshtor të kampionatit, thuhet në njoftim.  /2LONLINE/