SC Gjilani edhe zyrtarisht përmbylli bashkëpunimi me Kenan Haxhihamzën

Sport Club Gjilani ka bërë me dije se me marrëveshje të përbashkët, është vendosur të ndërpritet para kohe bashkëpunimi me portierin Kenan Haxhihamza.

Sipas drejtuesve të klubit, ky vendim është marrë pas një bashkëpunimi korrekt dhe profesional mes palëve, duke respektuar të gjitha detyrimet kontraktuale dhe duke ruajtur respektin e ndërsjellë.

“Klubi e falënderon Haxhihamzën për kontributin e dhënë gjatë kohës së qëndrimit në ekip dhe i uron shumë suksese në vazhdimin e karrierës së tij profesionale”, thuhet në njoftimin zyrtar të SC Gjilanit.  /2LONLINE/