SC Gjilani dhe Endri Reçi mbyllin bashkëpunimin

Sport Club Gjilani bën të ditur se me mirëkuptim të ndërsjellë është mbyllur marrëveshja e nënshkruar në fillim të këtij viti me futbollistin Endri Reçi.

Në njoftim thuhet se Reçi, i cili u bashkua me kuqebardhët në muajin janar pas transferimit nga Teuta e Durrësit, tregoi profesionalizëm dhe përkushtim gjatë kohës që ishte pjesë e klubit.

“Sport Club Gjilani e falënderon Endrin për përkushtimin dhe energjinë e dhënë në fushë, duke i uruar shëndet, suksese dhe arritje të reja në karrierën e tij sportive”, thuhet në njoftimin e klubit kuq e bardh.  /2LONLINE/