Saqip Ramizi një figurë e shquar për ngritjen e jetës kulturore dhe edukativo arsimore

/2L ONLINE/ – Në manifestimin e dhënies së mirënjohjes për Saqip Ramizin, me të cilën postmortum e ka nderuar presidenti shqiptar Bujar Nishani, merrnin pjesë dhjetëra qytetarë aktivistë dhe familjarë. I pranishëm ishte edhe kryetari i AAK-së, Ramush Haradinaj, i cili tha se sot po marrim pjesë në kujtim dhe respekt të një emri të madh, siç është Saqip Ramizi, e që është vlera e të gjithë neve!

Ndërsa, kryetari i Degës së AAK-së e njëherësh edhe organizator i këtij manifestimi Rexhep Kadriu tha se figura e Saqip Ramizit bashkë me bashkëshorten zonj. Gjylije Ramizi do të mbeten një ndër figurat më të respektuara të Komunës së Gjilanit për angazhimin e tyre për ngritjen e jetës kulturore dhe edukativo arsimore ne vendin tonë, veçmas në shoqatën për zhdukjen e analfabetizmit “Motrat Qiriazi”dhe në shoqatën për kthimin e Shqiptarëve të shpërngulur nga trojet e veta.

në këtë manifestim morën pjesë edhe nënkryetari i AAK-së, Ahmet Isufi, Muharrem Nitaj kryetarja e AGK zonj.Magbule Shkodra dhe deputeti i Parlamentit të Kosovës, Ismajl Kurteshi. /2L ONLINE/