Sami Kurteshi bëhet pjesë e Lëvizjes Vetëvendosje

/2L ONLINE/ – Sami Kurteshi i është bashkuar Lëvizjes Vetëvendosje Kjo është bërë publike me një konferencë për media bashkë me kryetarin e Lëvizjes Visar Ymeri dhe shefin e grupit parlamentar Glauk Konjufca.

Sami Kurteshi ka lindur në vitin 1960 në Gjilan ku e ka kryer shkollën e mesme. Fakultetin Teknik e ka filluar në Prishtinë. Ka qenë pjesëmarrës i demonstratave të 1981 dhe si pasojë është përndjekur nga regjimi dhe është larguar për në Zvicër.

Aty i është bashkëngjitur organizatave atdhetare dhe ka vijuar veprimtarinë. Në një nga aksionet për të sjellë në Kosovë materialet për lëvizjen është arrestuar nga Policia e Serbisë.

Është burgosur nga regjimi më 1983 më 9 vjet burg. Nga këto i ka mbajtur 7 vjet. Pas lirimit i është bashkuar Këshillit për mbrojtjejn e të drejtave të njeriut të drejtuar nga Adem Demaçi. Aty ka qenë sekretar i Këshillit.

Për shkak të veprimtarisë së tij është përndjekur nga policia e millosheviqit si shumë veprimtarë të tjerë. E për këtë arsye është larguar sërish nga Kosova në vitin 1995.

Në Zvicër ka kryer masterin në Shkenca Politike e rrëdhënie ndërkombetare dhe sociologji.

Pas lufte, Sami Kurteshi ka vijuar veprimtarinë e tij për kombin e shoqërinë. Detyra si Avokat i Popullit deri para pak kohësh ka vënë sërish në spikamë personalitetin dhe qëndrimin e palëkundur të sami Kurteshit ëpr drejtësinë shoqërore, emancipimin dhe të drejtat e njeriut.

Sa kohë ka qenë Avokat i Popullit ne të gjithë si shoqëri e si aktivistë kemi mësuar shumë prej tij, thuhet në njoftimin e Lëvizjes Vetëvendosje./2L ONLINE/