Sadiku e Veliu vizitojnë Qendrën Spitalore Spitalore Universitare të Gjenevës

/Në takimin me znj. Karine Martinez zëvendës drejtoreshë e kësaj qendre dhe zyrtare për bashkëpunim ndërkombëtarë, është biseduar edhe për përgatitjen e një Memorandumi Bashkëpunimi në mes MSh dhe Qendrës Spitalore Universitare të Gjenevës/

Një delegacion nga Kosova në përbërje të Zëvendësministrit të Shëndetësisë z. Izet Sadiku dhe kryetari i Podujevës z. Agim Veliu, vizituan sot Qendrën Spitalore Universitare të Gjenevës, ku u pritën nga znj. Karine Martinez zëvendës drejtoreshë e kësaj qendre dhe zyrtare për bashkëpunim ndërkombëtarë.

Znj. Martinez i njoftoj delegacionin nga Kosova me organizimin dhe shërbimet që ofron kjo Qendër Spitalore Universitare, e cila ka rreth 1800 shtretër me 12000 të punësuar, me formën e financimit dhe format e bashkëpunimit të kësaj Qendre Spitalore Universitare.

Zëvendësministri Sadiku e njoftoj znj. Martinez me reformën në shëndetësi, me theks të veçantë në organizimit e nivelit sekondar dhe terciar shëndetësor në Kosovë, pastaj me sfidat me të cilat ballafaqohet ky sektor në Kosovë.

Ndërsa z. Veliu e njoftoj znj. Martinez me punët qe ka bërë Komuna e Podujevës për ofrimin e shërbimeve shëndetësore për qytetarët e kësaj komune dhe me përgatitjet për funksionalizimin Spitalit të Qytetit, i cili do të bëhet në bashkëpunim me MSh.

Në fund të takimit Zëvendësministri Sadiku propozoj që të shqyrtohet mundësia e përgatitjes së një Memorandumi Bashkëpunimi ne mes dy palëve të cilin propozim znj. Martinez e priti me kënaqësi, dhe të dy palët u dakorduan që të vazhdoj puna në përgatitjen dhe nënshkrimin e një Memorandumi Bashkëpunimi në mes MSh dhe Qendrës Spitalore Universitare të Gjenevës.