Përsëri ka pakënaqësi për listën e përzgjedhësit Albert Bunjaki për miqësoren e Kosovës ndaj Omanit. Kësaj radhe zërin e ngreh ashpër një portier i Superligës. Gardiani i Drenicës, Burim Sadiku, i thotë Bunjakut që ka nevojë për syze.
“Grumbullimi i Ujkanit dhe Mushicës është në rregull, por nuk e di se çfarë ka bërë Bunjaku me dy portierët tjerë. Ai i Lirisë është në Ligë të Parë, nuk e di a e dinë Bunjaku që ka portierë edhe në Superligë. Unë jam grumbulluar gjithmonë nga të gjitha gjeneratat e përfaqësueses, e aty janë edhe Valmir Bytyqi, Enis Manxholli apo Artan Latifi. Bunjaku ka nevojë për syze”, ka deklaruar Sadiku për gazetën Arena. Ju kujtojmë që katër portierët në listën e Bunjakut janë Samir Ujkani, Kushtrim Mushica, Ilir Avdyli e Betim Berisha.