Po përpiqeni të hiqni kilogramët e tepërt nga trupi juaj? Kërkuesit mendojnë se e kanë gjetur mënyrën!
Një mëngjes i madh dhe një drekë e bollshme janë më të mirët për të kontrolluar peshën trupore dhe nivelet e sheqerit në gjak, sesa gjashtë vakte të vogla në ditë, sugjeron një kërkim i ri.
Kërkimi gjeti se dy vakte të bollshme, krahasuar me ushqimet e shpejta e të vazhdueshme (që konsumohen shpesh), janë më të mira për njerëzit, veçanërisht për ata që vuajnë nga diabeti i tipit 2. Po ashtu, ato mund të ndihmojnë këdo që do të dobësohet.
Kërkuesit danezë zbuluan se ngrënia e shpeshtë e ushqimeve me kalori dhe sheqer, rrit sasinë e grumbulluar të kolesterolit në mëlçi dhe dhjamin në bel, mirëpo ngrënia e sasive më të mëdha nuk kishte të njëjtin efekt. Gjatë provave, ata që hëngrën dy pjata plot, dy herë në ditë, humbën një të katërtën e peshës krahasuar me ata që shkonin më shpesh tek dollapi për të ngrënë sasi të vogla ushqimi.
Rezultatet duket se mbështesin atë thënien e vjetër: “Mëngjesin haje si mbret, drekën, si princ dhe darkën si i varfër”. Studime të tjera, më të zgjatura në kohë dhe me numër më të madh pjesëmarrësish janë të nevojshme para se të ofrohen rekomandime në terma të shpeshtësisë së vakteve.