Rummenigge:Pep Guardiola “kurrë nuk do të shkarkohet”

Shefi i Bayern Munich, Karl-Heinz Rummenigge, ka dhënë fjalë të mëdha e të sigurta për fansat e klubit se Pep Guardiola “kurrë nuk do të shkarkohet” nga gjigantët bavarezë.

Kampionët e pesëfishtë evropianë shpesh kanë bërë ndryshime të menaxherëve pas Botërorëve: Felix Magath u shkarkuar janarin e vitit 2007, ndërsa Louis van Gaal u shkarkua prillin e vitit 2011.

Rummenigge i ka siguruar fansat se një ngjarje e ngjashme nuk do të ndodhë në klub këtë sezon dhe se Guardiola, të cilin e angazhoi verën e kaluar, nuk duhet të frikësohet për të ardhmen e tij.

“Bayern Munich asnjëherë nuk do ta shkarkojë Pep Guardiolan”, ka thënë shefi i klubit për “Morgen Post”. “Jua them këtë me shkrim. Ai do të jetë trajneri ynë deri së paku më 30 qershor, 2016, kur edhe i skadon kontrata”.