Rrustem Thaqi zgjidhet Kryesuesi i ri i Këshillit Gjyqësor të Kosovës

Këshilli Gjyqësor i Kosovës, nën udhëheqjen e Zëvendës Kryesueses, Arjeta Sadiku, mbajti mbledhjen e 367-të me radhë.

Gjatë këtij takimi anëtarët, si pikë të rendit të ditës kishin zgjedhjen e Kryesuesit të Këshillit Gjyqësor të Kosovës.

Kandidatët e nominuar për pozitën e Kryesuesit të Këshillit Gjyqësor të Kosovës, z. Rrustem Thaqi dhe z. Besnik Bislimaj, nuk paraqitën programet e tyre para anëtarëve të KGJK-së, pasi ato ishin prezantuar në mbledhjen e kaluar.

Pas procesit të votimit me shumicë votash  anëtarët e KGJK-së, zgjodhën z. Rrustem Thaqin në pozitën e Kryesuesit të Këshillit Gjyqësor të Kosovës. Mandati i tij si Kryesues fillon nga data e zgjedhjes dhe është tre (3) vjeçar.

Pas zgjedhjes, u bë edhe pranim-dorëzimi i detyrës ndërmjet Ushtrueses së deritanishme të detyrës së Kryesueses, znj. Arjeta Sadiku, dhe Kryesuesit të ri, z. Rrustem Thaqi. /2LONLINE/