Rruga Ferizaj-Gjilan afër Bondsteel, do të emërtohet Beau Biden

Qeveria e Kosovës, në mbledhjen e saj, ka vendosur që rruga Ferizaj-Gjilan afër fshatit Sojevë dhe bazës kryesore Amerikane në Kosovë, Bondsteel, të emërtohet Beau Biden.

Këtë e ka bërë të kryeministri i Kosovës, Isa Mustafa, përmes postimit në faqen e tij në FB. Ja postimi i plotë I kryeministrit Mustafa:

“Në Qeveri vendosëm që rruga Ferizaj-Gjilan afër fshatit Sojevë dhe bazës kryesore Amerikane në Kosovë, Bondsteel, të emërtohet Beau Biden. Beau ka kontribuar në paqen, sigurinë dhe drejtësinë në Kosovë dhe në misione paqeje dhe demokracie edhe në vende tjera. Babai i Beau, Zëvendës Presidenti Amerikan, Joe Biden, do të jetë krenar me veprën e tij edhe pse iku në moshë të re. Jemi krenar me miqësinë permanente të Kosovës me SHBA!”