Rri urtë!
Ish-pjesëmarrësi i demonstratës së ’81-shit, Ali Lajçi, ia ka çuar selam Azem Vllasit të rrijë urtë, meqë ka përfunduar koha e tij kur ka luajtur role jashtëzakonisht negative, duke diferencuar profesorë, studentë e nxënës shqiptarë.
Këto komente Lajçi i ka bërë duke iu kundërpërgjigjur deklaratës së Vllasit, i cili ka thënë se në vitin 1981 nuk është kërkuar Republika e Kosovës, por është brohoritur për ideologjinë komuniste e staliniste të Enver Hoxhës.
“Nuk i di motivet pse Vllasi është deklaruar në atë mënyrë por, si duket, ka mbetur me ndonjë ambicie të sëmurë. Sot është një relacion krejt ndryshe. Nuk ka ish-Jugosllavi dhe nuk ka më as Serbi me krahina autonome”, ka thënë Lajçi në një bisedë për “Epokën e re”.