Rreth 100 nxënës të Gjilanit marrin pjesë në “Olimpiaden Matematike 2016”

/2L ONLINE/ – Rreth 100 nxënës nga të gjitha shkollat e komunës së Gjilanit kanë marrë pjesë sot në garën “Olimpiada Matematike 2016”, e cila u zhvillua në shkollën fillore “Selami Hallaqi”.
Në hapje të kësa ngjarje ka marrë pjesë drejtori i Drejtorisë Komunale të Arsimit, Nazmi Musa, si dhe profesorë e drejtues të institucioneve shkollore në komunën e Gjilanit.

Drejtori i DKA-së, Nazmi Musa, ka folur për synimin e kësaj gare, e cila sipas tij ka shtuar interesimin e nxënësve për lëndën e matematikës, me c’rast ka përmendur një varg faktorësh që e kanë bërë komunën e Gjilanit, me emër në fushën e matematikës.

“Synimi i Olimpiadës është rritja e interesimit të nxënësve për lëndën e matematikës.Entuziazmi i madh i nxënësve, puna serioze e organizatorit, cilësia e rezultateve, bashkëpunimi me revistën “Plus” dhe përkrahja e prindërve e bëjnë Gjilanin me emër në fushën e matematikës”, u shpreh Musa.

Profesorii matematikës, i cili është edhe njëri nga organizatorët, Festim Shkodra,tha se pikërisht kjo Olimpiadë ka ndikuar në rritjen e cilësisë dhe nivelit të përgjithshëm të nxënësve gjilanas, ndërkohë që falë saj Gjilani ka marrë epitetin e qytetit të matematikës në nivel vendi.

Pas përfundimit të garës, anëtarët e komisionit vlerësues të punimeve kanë kontrolluar me kujdes punimet e nxënësve garues, duke shpallur rezultatet e Olimpiadës së Matematikës për vitin 2016, si vijon:

Klasa IX
1. Natyra jerliu , SHMU ,,Abaz Ajeti” , Gjilan
2. Endi Sahiti , SHMU, ,,Musa Zajmi” Gjilan
3. Puhiza Rexhepi, SHMU, ,,Thimi Mitko” Gjilan
Klasa X
1. Erion Bajrami, Gjimnazi Natyror ,,Xhavit Ahmeti” , Gjilan
2. Endrit Muji, Gjimnazi Natyror ,,Xhavit Ahmeti” , Gjilan
3. Lirak Rashiti, Gjimnazi Natyror ,,Xhavit Ahmeti” , Gjilan

Klasa XI
1. Muhamed Zahiri, Gjimnazi Natyror ,,Xhavit Ahmeti” , Gjilan
2. Ndriçim Rrahmani, Gjimnazi Natyror ,,Xhavit Ahmeti” , Gjilan
3. Urata Sadiku, Gjimnazi Natyror ,,Xhavit Ahmeti” , Gjilan

Klasa XII
1. Monika Bunjaku, Gjimnazi Natyror ,,Xhavit Ahmeti” , Gjilan
2. Argjend Aliu, Gjimnazi Natyror ,,Xhavit Ahmeti” , Gjilan
3. Vanesa Sejdiu, Gjimnazi Natyror ,,Xhavit Ahmeti” , Gjilan

Përndryshe, fituesit e garëssë sotme do ta prezantojnë Gjilanin në Garën Republikane në Lipjan, për të vazhduar dhe me pjesëmarrje në gara ndërkombëtare. /2L ONLINE/