Rinia Demokratike djeg flamurin e ISIS

Sfida globale për djegien e flamurit të organizatës terroriste, Shteti Islam i Irakut dhe Shamit (ISIS), në Kosovë nisi me aktin e Rinisë Demokratike. Forumi i Rinisë Demokratike ka vendosur sot që këtë akt ta bëjë para bustit të heroit kombëtar, Skënderbeu. Triumf Sadikaj, kryetar i Degës së PDK-së në Prishtinë, ka thënë gjatë këtij aksioni se kjo rrymë ekstreme nuk do të mirëpritet në Kosovë.

“Ne si rini kemi zgjedhur këtë aktivitet si formë revolte ndaj veprimeve të organizatës ISIS dhe krimeve të saj makabër. Ne në Kosovë jemi shqiptarë, i respektojmë fetë si pasuri tona kombëtare, dhe në asnjë formë në shoqërinë tonë nuk do të mirëpriten rrymat ekstremiste fetare, që cenojnë dhe tolerancën ndërfetare dhe ndërvëllazërore”, ka thënë Sadikaj gjatë aksionit./epokaere/