Rikthehet Superliga, në fokus ndeshjet e klubeve gjilanase

Pas pushimit që patën për shkak të lojrave të Kombëtares, të shtunën rikthehen ndeshjet e Albi Mall Superligës së Kosovës në Futboll, ku të shtunën do të zhvillohe dy ndeshjet e para të javës së nëntë dhe të tjerat të dielën.

Pikërisht, do të jenë dy skuadrat gjilanase që do të ballafaqohen të shtunën me kundërshtarët e tyre. Drita do ta mirëpret Malishevën, derisa skuadra e Gjilanit udhëton për t’u ballafaquar me Prishtinën e Re, transmeton 2LONLINE.com.

Aktualisht, FC Drita është e katërta në tabelë me 11 pikë, duke u këndellur drejt kreut të tabelës, pas një starti jo të mirë, ndërsa SC Gjilani, i cili tashmë është me trajner të ri, ndodhet e fundin e tabelës me 7 pikë dhe ky takim është i rëndësishëm për ta, edhe për ta lënë krizën mbrapa, e për t’u kthyer kah e mbara, kah rezultatet pozitive, por e rëndësishme edhe për trajnerin e ri Debatik Currin, që të nis me fitore, “trajnerllëkun” e tij, te skuadra kuq e bardhë.

 Të dyja ndeshjet, Drita- Malisheva dhe Prishtina e Re – Gjilani, zhvillohen të shtunën prej orës 13:00.  

Të dielën zhvillohen ndeshjet tjera po prej orës 13:00: Ballkani – Dukagjini, Drenica – Prishtina, Llapi – Ferizaj.  /2LONLINE/