Rikonfirmojnë vazhdimin dhe thellimin e bashkëpunimit në fushën e sigurisë

Zëvendësministri i Mbrojtjes i Kosovës, Enis Kervan, ka zhvilluar një takim me atasheun ushtarak të Ambasadës së Turqisë në Kosovë, kolonelin Adem Türk, ku u diskutua për thellimin e bashkëpunimit në fushën e mbrojtjes dhe sigurisë.

Gjatë takimit, koloneli Türk e uroi zëvendësministrin Kervan për angazhimin dhe përgjegjësitë e reja në detyrë, duke rikonfirmuar mbështetjen e vazhdueshme të Turqisë për Kosovën, veçanërisht në fushën e mbrojtjes dhe sigurisë.

Nga ana e tij, zëvendësministri Kervan shprehu mirënjohjen për përkrahjen që Turqia i ka dhënë Kosovës ndër vite, duke theksuar se kjo mbështetje ka qenë e rëndësishme për zhvillimin e kapaciteteve mbrojtëse të vendit.

Në takim u diskutua gjithashtu për mundësitë e zgjerimit të bashkëpunimit përmes programeve të trajnimit dhe projekteve të përbashkëta, me synim forcimin e kapaciteteve të sigurisë dhe stabilitetit në rajon.  /2LONLINE/