Riformulohen kriteret për subvencionimin e foshnjave të porsalindura

Komuna e Kamenicës bënë me dije se me rregulloren e re për kushtet dhe procedurat e ndarjes së subvencioneve, kriteret për mbështetjen financiare për foshnjat e porsalindura janë riformuluar si vijon:

Neni 11

Kriteret për aplikim:

Për të aplikuar për Subvencione në vlerë prej 200€ (dyqind euro), prindërit aplikues duhet t’i plotësojnë këto kritere:

1. Të jenë shtetas të Republikës së Kosovës;

2. Të dy prindërit të jenë banorë të Komunës së Kamenicës

Dokumentet të cilat janë të domosdoshme për të aplikuar janë:

1. Letërnjoftimi i prindërve;

2. Ekstrakti i lindjes së fëmijës;

3. Certifikatë e vendbanimit të prindërve;

4. Certifikatë e Kurorës (për prindërit e kurorëzuar), ndërsa për ata të pakurorëzuar Deklaratën e bashkësisë familjare;

5. Për prindin vetëushqyes – Deklaratën e bashkësisë familjare;

6. Konfirmimi i llogarisë bankare i njërit prind.

Pagesa bëhet për çdo fëmijë individualisht, aplikimi zgjat tre (3) muaj nga dita e lindjes së fëmijës. /2LONLINE.com/