Riad Rashiti: Për qytetin tonë të pastër e të gjelbër

”Për Gjilanin e pastër dhe të gjelbër 1.3 milionë euro buxhet vjetor”, zotohet Riad Rashiti, kandidat i PDK-së, për kryetar të Komunës së Gjilanit, në zgjedhjet e 12 tetorit.

Ai zotohet për kujdestarë për çdo lagje, për mirëmbajtje të përditshme, pastërti dhe infrastrukturë funksionale në gjithë qytetin dhe fshatrat e Gjilanit.

Ky është plani im për një qytet modern, të pastër dhe të gjelbër. Nga janari 2026 do të realizohen: Punësime të reja +60 punëtorë kujdestarë, 650 mijë euro investime për paisje moderne, mjete dhe uniforma pune, Rritje e pagës në 600 euro për çdo punëtor, Shujtë ditore ushqimi, Sigurim shëndetësor për të gjithë punëtorët.

”Totali i investimeve vjetore mbi 1.3 milionë euro, dedikuar për kujdestarët e lagjeve dhe përmirësimin e kushteve të tyre të punës. Ky është angazhimi im për një qeverisje të përgjegjshme, që respekton punëtorët dhe garanton standarde të reja për cilësinë e jetës në Gjilan”, thotë Riad Rashiti.