Riad Rashiti: Në çdo lagje po vazhdon mobilizimi për fitoren e madhe të 12 tetorit

“Në çdo lagje po vazhdon mobilizimi për fitoren e madhe të 12 tetorit”, thotë Riad Rashiti, kryetar i PDK-së së Gjilanit, njëherësh kandidat i këtij subjekti për kryetar komune në zgjedhjet e 12 tetorit.

Sipas tij, në Gjilan po marrin fund fjalët e kota dhe mashtrimet.

“Prej 12 tetorit ata ende do të vazhdojnë të flasin, ndërsa ne do të hapim frontin e madh të punëve, për projektet e zhvillimit të Gjilanit”, ka thënë Rashiti.

Ai theksoi se Lagjja Dheu i Bardhë, e cila për vite me radhë ka jetuar në një gjendje të rënduar, do të marrë trajtimin që e meriton.

“Si hap i parë, menjëherë në nëntor, do të fillojmë: Riparimin e të gjitha rrugëve, Ndërtimin e trotuareve, Ndriçimin publik, Furnizimin e qëndrueshëm me ujë të pijshëm.  Gjilani ka vendosur për punë dhe zhvillim. Më 12 tetor, nis epoka e punëve të mëdha”, ka thënë Riad Rashiti i PDK-së.  /2LONLINE/