Riad Rashiti i PDK-së falënderon mbështetësitë

“Faleminderit Gjilan. Mbrëmë dëshmuam edhe një herë forcën, unitetin dhe besimin e madh që qytetarët kanë në Partinë Demokratike të Kosovës dhe në vizionin e Bedri Hamzës për Kosovën”, është shprehur pas tubimit qendror të PDK-së në Gjilan, Riad Rashiti, kryetar i degës.

Ai tha se një falënderim i veçantë është për  kryetarin e partisë, Bedri Hamza për prezencën, mesazhin e qartë dhe përkushtimin e tij për ta nxjerrë Kosovën nga kriza politike dhe institucionale drejt zhvillimit ekonomik dhe qeverisjes së përgjegjshme.

“Faleminderit secilit anëtar, aktivist, simpatizant dhe qytetar që ishte pjesë e këtij tubimi madhështor. Energjia, mbështetja dhe besimi juaj janë motivimi ynë më i madh. Më 7 qershor, me unitet dhe mobilizim, vazhdojmë rrugën drejt fitores së PDK-së dhe drejt fitores së Kosovës”, ka thënë Rashiti.