Riad Rashiti: Falënderim për qytetarët dhe përkrahësit e PDK-së në Gjilan

Riad Rashiti, kryetari i PDK-së, Dega në Gjilan, ka thënë se pas disa mandateve, me krenari njoftojnë se Gjilani dhe Anamorava po përfaqësohet sërish në Kuvendin e Kosovës me deputetin Arben Mustafa, falë mbështetjes së fuqishme të qytetarëve tanë dhe përkrahjes së gjerë nga të gjitha komunat e Kosovës.

“Urimet më të përzemërta për deputetin Arben Mustafa për këtë sukses të merituar. I urojmë shëndet, punë të mbarë dhe suksese të vazhdueshme në përfaqësimin e interesave të qytetarëve. Njëkohësisht, urime edhe për kandidatët e tjerë të Gjilanit për rezultatet e arritura, në veçanti për Aurora Osmanin, për angazhimin dhe kontributin e treguar gjatë gjithë procesit zgjedhor, si dhe falënderim i veçantë për Selver Xhelilin dhe Adrijana Latifin për mobilizimin, përkushtimin dhe punën e palodhshme gjatë kësaj fushate”, ka thënë Rashiti.

Ai poashtu pati një falënderim edhe për shefin e Shtabit, Izmi Zekën dhe për të gjithë anëtarët e shtabit zgjedhor, përfaqësuesit e nëndegëve dhe secilin anëtar e anëtare të strukturave të Degës së PDK-së në Gjilan, për kontributin dhe angazhimin e tyre të çmuar.

“Në mënyrë të veçantë, falënderojmë qytetarët e Gjilanit, votuesit dhe përkrahësit tanë besnikë, për besimin, mbështetjen dhe përkrahjen e vazhdueshme ndaj PDK-së. Ky sukses është rezultat i drejtpërdrejtë i besimit tuaj. Me respekt dhe mirënjohje të thellë për secilin kontribut tuajin”, ka thënë Riad Rashiti, kryetar i Degës së PDK-së në Gjilan. /2LONLINE/