Riad Rashiti: Asnjë punë e hairit nga ky pushtet aktual!
“Pusetat skandaloze, rrëshqasin bashkë me dheun dhe kthejnë ujërat e zeza në shtëpit e qytetarëve. Asnjë projekt të vogël nuk patën aftësi ta bëjnë siç duhet, totalisht të paaftë. Rasti i fundit në Livoq të Epërm është dëshmi e qartë e keqmenaxhimit dhe mungesës së përgjegjësisë”, ka thënë Riad Rashiti, kreu i PDK-së së Gjilanit.
Sipas tij, edhe pse është investuar para pak muajsh në rrjetin e kanalizimit, punimet janë kryer pa standarde dhe pa mbikqyrje profesionale, gypat dhe pusetat janë vendosur në dheun e pastruar të lumit, i cili tashmë pas çdo reshje shiu është duke rrëshqitur dhe duke shkaktuar dëme të atyre nvestimeve.
Rashiti thotë se sipas banorëve, ky rrjet kanalizimi nuk është funksional. Ujërat e zeza po u kthehen familjeve në oborre e madje edhe brenda shtëpive të tyre, duke rrezikuar shëndetin publik dhe jetën e qytetarëve.
“Andaj shumica e banorëve nuk po kyçen në rrjetë, por ujërat e zeza po vazhdojnë të derdhen në lumin e fshatit, ku edhe pamjet e ujit në lum tregojnë këtë gjendje të mjerueshme. Qytetarët e Gjilanit meritojnë siguri dhe cilësi, jo skandale të tilla për çdo ditë”, ka thënë Riad Rsshiti, kryetar i PDK-së së Gjilanit. /2LONLINE/