Rexha: Procesi i akreditimit ka qenë transparent

Kryetari i Këshillit Shtetëror të Cilësisë në Agjencinë e Kosovës për Akreditim, Blerim Rexha, ka bërë me dije se akreditimi i programeve të studimit të institucioneve publike dhe private të arsimit të lartë në Kosovë ka kaluar në formë transparente dhe konform procedurave të përcaktuara nga Agjencia e Kosovës për Akreditim (AKA).

Në këtë intervistë dhënë gazetës “Epoka e re”, ai ka thënë se është rritur përkushtimi i të gjithë bartësve të arsimit të lartë që të ofrojnë studime më cilësore por, sipas tij, rangimet ndërkombëtare flasin që institucionet tona kanë ende punë për të bërë, sidomos në fushën e kërkimeve shkencore. Ai ka thënë se kualifikimi dhe kompetenca e stafit akademik janë sfidat kryesore të institucioneve të arsimit të lartë.