Republikanët e Bujanocit ofrojnë përkrahje Gentiana Shabanit në punën e saj

/2L ONLINE/ – Sot koordinatorja e Zyrës për Preshevë Bujanoc Medvexhë në Gjilan Gentiana Shabani së bashku me kryesuesin e komitetit për Bashkëpunim Ndërkufitarë Kushtrim Kadriu,priten në një takim pune një delegacion të lartë të “Partise Republikane” nga Lugina e Preshevës të prirë nga Kryetari Avdil Ramadani, Sevdail Hyseni, Fatmir Sopi e Ramiz Rashiti, kurse i pranishëm ishte edhe veprimtari nga Malësia e Buajnoct Hajrush Ramadani.

Qëllimi i kësaj vizite ishte njohja e aktivitetet e zyrës dhe problemet e qytetarëve shqiptare te dëbuar nga Malësia e Bujanocit në Gjilan si dhe problemet e shqiptarëve në Luginë të Preshevës.

Fillimisht mysafirëve i dëshiroi mirëseardhje Koordinatorja Gentiana Shabani e cila në pika të shkurtra dha informacione lidhur me rolin dhe misionin e kësaj zyreje për qytetarët e zhvendosur nga Lugina e Preshevës në Gjilan.

Kurse Kushtrim Kadriu theksoi se koordinatorja e porsazgjedhur Gentiana Shabani brenda 11 ditëve të punës ka arritur të i zhvillon 12 aktivitete në shërbim të qytetarëve dhe kjo dëshmon për një seriozitet të madh në punë.

Avdil Ramadani kryetar i Partisë Republikane nga Lugina, elaboroi për problemet me të cilat po ballafaqohen shqiptarët si komunitet në Serbi e posaçërisht banorët e zonave kufitare të cilëve pa të drejtë po u pasivizohen vendbanimet dhe po shlyhen nga regjistrat e gjendjes civile.

Ramadani kërkoi një bashkëpunim në mes republikanëve të luginës dhe zyrës PMB në mënyrë që problemet e shqiptarëve brenda dhe jashtë kufirit me Kosovën të alarmohen në instanca më të larta vendore dhe ndërkombëtare.

Lidhur me diskriminimin e shqiptareve të Malësisë nga pushteti lokal dhe qendror, i paraqiti me shifra dhe faktet Ramiz Rashiti kryetar i nëndegës së republikaneve nga Muhoci duke ngritur shqetësimin e shpërnguljes së mëtejme të atyre pak banorëve që jetojnë në Malësi. /2L ONLINE/