Renditja e FIFA-s, kombëtarja shqiptare, e 47-ta, Kosova e 164-ta

Kombëtarja shqiptare humbi 7 pozicione në renditjen e FIFA-s të muajit tetor. Skuadra kuqezi e sheh tashmë veten në vendin e 47 në këtë klasifikim, në kuotën e 619 pikëve. Humbja me Spanjën për eliminatoret e Botërorit 2018 duket se ka ndikuar ndjeshëm në humbjen e këtyre pozicioneve, edhe pse më parë kombëtarja shqiptare kishte fituar me Lihtenshtejnin. Ndërsa, ka fituar pozicione përfaqësuesja e Kosovës edhe pse humbi ndaj Kroacisë dhe Ukrainës. Kosova për këtë muaj është e 164 me 135 pikë, 4 shkallë më sipër në krahasim me renditjen e muajit të mëparshëm.