Rekuizitat e “Panagjyrit” po dëmtohen, nuk del kush t’i largojë!

/2L ONLINE/ – Rekuizitat e Panairit Regjional që u mbajt në fillim të këtij muaji në Gjilan, vazhdojnë të qëndrojnë akoma në qendër të qytetit, mu para selisë së kryetarit të komunës dhe te Teatrit i Qytetit dhe se nuk del kush me i largua dhe me i shpëtua nga dëmtimi, që veç ka filluar  t’iu bëhet.  Panairi i Regjional, apo “Panagjyri’ siç i thoshte Lutfi Haziri,  kryetar i komunës, ishte mbajtur për tri ditë me radhë, më 2.3 dhe 4 korrik,  por pas kësaj date, derisa stendat u larguan, disa prej rekuizitave kanë vazhduar të qëndrojnë akoma në ato vende pa kurrfarë interesi. Si duket nuk ka kush me krye një “kafshore punë” e me i largua ato. Apo duan të presim të kthehet kryetari i komunës nga Amerika ndoshta ndërmerr diçka, sepse këto rekuizita mund të shërbejnë edhe për herë të tjera, duke mundësuar kursimin e parasë publike, për çka është deklaruar shpesh se është i interesuar ta bëjë edhe vet kreu i komunës. Mbetet të shihet! /2L ONLINE/