Rektori i UKZ-së priti në takim Komandantin e ri të LMT të KFOR-it turk për Rajonin e Gjilanit

Rektori i Universitetit Publik “Kadri Zeka” në Gjilan, Prof. Asoc. Dr. Artan Dermaku, ka pritur në takim Komandantin e ri të Ekipit Monitorues dhe Mbikëqyrës (Liaison Monitoring Team – LMT) të KFOR-it turk për Rajonin e Gjilanit në Kosovë, Major Rahmi Yildirim, i shoqëruar nga zëvendës nënoficeri Ahmet Aktürk.

Gjatë këtij takimi, palët diskutuan për situatën e përgjithshme të sigurisë në rajon, rolin dhe misionin e KFOR-it në ruajtjen e paqes dhe stabilitetit, si dhe për rëndësinë e bashkëpunimit ndërinstitucional. U theksua gjithashtu nevoja për komunikim dhe koordinim të vazhdueshëm ndërmjet institucioneve akademike dhe strukturave të sigurisë, në funksion të stabilitetit dhe mirëqenies së shoqërisë.

Rektori Dermaku shprehu mirënjohjen për kontributin e vazhdueshëm të KFOR-it në Kosovë, duke vlerësuar rolin e tyre në ruajtjen e paqes dhe sigurisë. Nga ana e tij, Major YILDIRIM falënderoi Rektorin për pritjen dhe shprehu gatishmërinë për thellimin e bashkëpunimit edhe në të ardhmen.

Të dyja palët shprehen gatishmërinë e bashkëpunimit për paqe, stabilitet dhe bashkëjetesë. /2LONLINE/