Rehabilitohen rrugët e dëmtuara dhe evitohen deponitë e mbeturinave

/2L ONLINE/ – Kanë nisur punimet në rehabilitimin e rrugëve të dëmtuara të komunës së Vitisë. Drejtori i Shërbimeve Publike në Viti Nexhmedin Jakupi ka theksuar se sot po punohet në rehabilitimi i rrugës Pozheran-Viti, si dhe do të vazhdojë edhe me rrugën “Lidhja e Prizrenit”, rrugën Viti-Debellde, si dhe rrugët tjera të dëmtuara ku kërkohet të intervenohet.

Drejtori Jakupi gjithashtu ka bërë të ditur se në Goshicë sot kanë filluar punimet edhe në eliminimin e një deponie të egër të mbeturinave, që për vite të tëra janë hedhur mbeturina nga qytetarët. Iniciativa për largimin kësaj deponie ishte pjesë e aksionit “Ta pastrojmë Kosovën” por se për shkaqe teknike ka filluar të realizohet sot. /2L ONLINE/