Regjimenti i tretë i këmbësorisë realizon ushtrimin fushor “ARROW 01’’

Kompania 3A e Regjimentit të tretë të këmbësorisë të Komandës së Forcave Tokësore, në kuadër të trajnimit për validim ka realizuar ushtrimin fushor “ARROW 01”.

Gjatë ushtrimit fushor, pjesëmarrësit përvetësuan njohuri në fushën e përgatitjes ushtarake: përdorimin dhe mirëmbajtjen e armatimit, lëvizjet dhe pozicionet luftarake, navigim, komunikim, kamuflim, vëzhgim dhe raportim, MKAB, mbijetesë, kujdesi taktik ndaj të lënduarve në fushëbetejë, detyrat e rojës dhe Radio HARRIS.

Ushtrimi u realizua bazuar në misionin dhe planin e zhvillimi të Regjimentit të tretë të këmbësorisë, ku fokus kryesor ka detyrat individuale të ushtarit.

Forca e Sigurisë së Kosovës me qëllim të ngritjes dhe avancimit profesional të pjesëtarëve, organizon trajnime dhe ushtrime të tilla, që dëshmojnë nivelin e lartë të përgatitjes ushtarake që kanë pjesëtarët e FSK-së. /2LONLINE/