Regjimenti i dytë i Forcave Tokësore ka realizuar ushtrimin fushor “Steel Alpha 05”

Në kuadër të përgatitjeve për validim, zëvendës komandanti i Forcës së Sigurisë së Kosovës gjeneral major Enver Cikaqi ka vizituar pjesëtarët e Kompanisë 2A të Regjimentit të Dytë të Forcave Tokësore, gjatë realizimit të ushtrimit fushor LFX “Steel Alpha 05”, në poligonin taktik në Babaj të Bokës.

Gjeneral Cikaqi i përgëzoi ushtarakët për punën dhe angazhimin e tyre në kuadër të përgatitjes për validim të Kompanisë 2A të R2K të Forcave Tokësore.

Pjesëtarët gjatë këtij ushtrimi treguan aftësi të larta fizike dhe profesionale në realizimin e detyrave dhe misionit të FSK-së, njofton Forca e Sigurisë së Kosovës. /2LONLINE/