Realizohet ushtrimi i përbashkët “ALAMO” mes Policisë së Kosovës dhe KFOR-it

Sot, më 07 nëntor 2025, është zhvilluar ushtrimi fushor i koordinuar “ALAMO”, i realizuar në pjesën veriore të vendit, me pjesëmarrjen e Policisë së Kosovës dhe KFOR-it.

Qëllimi i këtij ushtrimi ishte forcimi i koordinimit, komunikimit, komandës dhe kontrollit, si dhe rritja e bashkëpunimit ndërinstitucional mes njësive policore dhe trupave të KFOR-it, për të siguruar një reagim të shpejtë, efikas dhe profesional në çdo situatë që ndikon në sigurinë publike dhe ruajtjen e një ambienti të qetë e të sigurt.

Gjatë ushtrimit u testuan koha e reagimit, efikasiteti i pajisjeve, komunikimi ndërmjet njësive, si dhe zbatimi i taktikave operacionale në terren, në bashkëveprim të plotë mes njësive speciale të Policisë së Kosovës dhe forcave të KFOR-it.

Ushtrimi “ALAMO” u realizua sipas planifikimeve të hartuara paraprakisht dhe përfundoi me sukses, duke dëshmuar nivel të lartë profesionalizmi.

Policia e Kosovës dhe KFOR-i mbeten të përkushtuar dhe të angazhuar në ruajtjen e rendit dhe sigurisë publike, si dhe në thellimin e bashkëpunimit të ndërsjellë për garantimin e një mjedisi të sigurt për të gjithë qytetarët e Republikës së Kosovës. /2LONLINE/

(Foto: Policia e Kosovës)