Reagon kryetari Hyseni: Policit të plagosur nga Velekinca e Gjilanit i dëshiron shërim të shpejtë

Kryetari i Komunës së Gjilanit, Alban Hyseni ka rraguar lidhur me zhvillime e fundit në veri të vendit ku pas sulmit në orët e hershme të mëngjesit në fshatin Banjskë të Zveçanit, është vrarë një polic i Kosovës dhe një tjetër është plagosur.

“Sulmi terrorist e kriminal duhet të dënohet. Beogradi zyrtar, duke mbështetur sulmin kriminal e terrorist, po sulmon Kosovën”, ka thënë kryetari i Gjilanit, Alban Hyseni.

Ja deklarata e tij e plotë:

Të dashur qytetarë,

Pas sulmit në orët e hershme të mëngjesit në fshatin Banjskë të Zveçanit, është vrarë një polic i Kosovës dhe një tjetër është plagosur.

Sulmi terrorist e kriminal duhet të dënohet. Beogradi zyrtar, duke mbështetur sulmin kriminal e terrorist, po sulmon Kosovën.

Nga Velekinca e Gjilanit kemi edhe një polic të plagosur, Alban Rashiti, i cili tashmë ka kryer intervenimin me sukses dhe është jashtë rrezikut për jetë.

Ngushëllime familjes dhe të gjithë qytetarëve për policin tonë të vrarë. Shërim të shpejtë e të plotë policit të plagosur.  /2LONLINE/